ماعنديش مشكلة نعطل القطارات أو نبطأ السرعة بس قطار القاهرة أسوان أعجوبة 36 ساعة في الطريق ومافيش أكل ولاش ب ومياه حمامات القطار خلصت.
معنديش مشكلة تحصل أزمة.. لكن المشكلة في إدارة الأزمة، ودي سمعة القطارات والسكك الحديد المصرية"
علقت الاعلامية لميس الحديدي على واقعة تأخر القطارات بسبب موجة الامطار وبيان هيئة السكة الحديد حول الاعتذار قائلة : " الهيئة قالت لازم القطارات تمشي بسرعة أقل تجنباً للامطار وماعنديش مشكلة عشان سلامة الناس لكن أنا عندي تعقيب واحد بس يخص قطار واحد وهو القاهرة أسوان رقم 997 وده كان " أعجوبة " لانه قعد 36 ساعة واتأخر عن معاده 24 ساعة والناس معرفتش تاخد أي وسيلة مواصلات تاني بسبب الطقس وكان القطر بيقف في كل قرية ساعتين ".
تابعت خلال برنامجها " كلمة أخيرة " المذاع على شاشة " ON" قائلة : ماعنديش مانع القطارات تمشي بالراحة لسلامة الناس أو نعطلها حتى لكن القطار ده بالذات بتاع القاهرة أسوان كان فيه مشكلة مركبة بخلاف الامطار لانه طع بليل يوم الجمعة وكان المفروض يوصل الجيزة الساعة 9 أو 10 الصبح. وهو قطر النوم . لكن وصل 9:45 النهاردة. هل ده طبيعي ؟"
واصلت : "36 ساعة ! إزاي بقى دوول الطبيعي 12 ممكن يزيدوا شوية لكن ده فوق الضعف ".
إستطردت : القطار مكنش بيقف وميه الحمامات خلصت والاكل خلص ومجلهمش أي معونةأو مساعدة القطار مشي .. معنديش مشكلة تحصل أزمة.. لكن المشكلة في إدارة الأزمة، ودي سمعة القطارات والسكك الحديد المصرية".
أتمت : بره ممكن تتعطل القطارات وده عادي كمن الاكل والشرب يخلصوا وميه دورات المياه مافيهاش ميه ده أمر طاريء ساعدوا الناس 36 ساعة كتير !".
